星期一, 12月 31, 2007

(386) 噢 聖誕樹, 噢 聖誕節~~

今年聖誕去了很多地方影聖誕相,而家就同大家分享一下先~

(左:去了朋友的婚禮後,到Conrad lobby拍照留念)
(右:澳門大三巴)


(左:和一大班朋友在海旁呆坐4個半小時,就是為了右圖的IFC倒數!雖然很凍,但真係好靚,吹下風都值得!)


(左:金鐘Pacific Place)
(右:尖沙咀碼頭)


(左:聖誕囡囡同聖誕仔仔在澳門議事亭前合照)
(右:Time Square)


(左:Ocean Terminal)
(右:旺角新世界廣場)

(左:連卡佛門口)
(左:銅鑼灣世貿中心)

(左:澳門威尼斯人)
(右:澳門議事亭前)

(左:旺角朗豪坊:白雪公園)
(右:旺角火車站)

(左:到Grand Hyatt吃聖誕大餐)
(右:Grand Hyatt大聖誕樹)

(左:IFC)
(右:百利商場)

星期五, 12月 21, 2007

(385) 聖誕芝@中大

在公司"Secret Angel"的聖誕抽獎中,同事買了聖誕芝給我,超級可愛!!! 今天便帶她和加拿大人到中大一遊,除了探訪新亞的"天人合一"外,還走到百萬大道,和品嚐了中大馳名的"咖啡批"(其實檸檬批比較出名,可惜當天到步時已售罄!)

(左:嘩,百萬大道呀!!)
(右:黎一個Close Up先!)


(左:Med-Can咖啡批)
(右:好似想飛甘...)

星期一, 12月 10, 2007

(384) 超級唔人道中醫師

(實在很氣憤,所以即使唔舒服也是把心聲寫出來!!)

星期日去了看另一位中醫師,昨天飲完第二劑藥後,便覺得眉心有點暈,胃部脹脹的。睡到半夜,開始作肚痛,只覺肚內很多氣,頂住喉嚨…… 結果整晚也睡得不安穩。

到早上七時多,便打電話給上司,請了半了假。雖然胃部不適,但自覺咳和痰少了很多,似乎中醫師確是有點功力,所以唯有硬著頭皮再到中醫診所把把脈(經過這兩次飲中藥的經驗,其實內心對中藥已經有點抗拒!)。

九時半左右走到診所,已見大排長龍。等了差不多半小時,終於見到醫師。
我:「昨日飲完藥,就頭暈,半夜仲肚痛痛到醒左!但咳就好左好多!」
醫師:「嗯,都可能會有少少。」(估計佢係話係會有呢D反應)
我然後再告訴他其他病徵。
把過脈後,醫師說:「你而家係脾胃濕滯……(下省50字)」
完成診斷後,為了向公司請假,便叫醫師替我寫一張病假紙。
醫師猶豫了一會,說:「以我個人黎睇,你根本唔需要請假,好少事之麻!好似你呢D員工,第二時裁員,第一個應該會裁你!」

醫師,你無病呀?!
如果我無病無痛,我會特登排長龍睇你?
如果我無事,會半夜痛醒,然後成晚瞓唔到覺咩? 根本無休息過甘,點返工?
如果我無事,你俾錢我,我都唔想飲個D又黑又苦既中藥!
我睇得起你,先黎睇你!但作為一個醫師,完全無諗過病人既痛苦!
就憑你把把脈,就可以知道病人的痛苦程度嗎?
我請假,是因為我覺得唔舒服!公司炒唔炒我,係公司既事,需要外人插手嗎?更何況如果公司決定要炒,斷不會因為一天半天的病假而炒一個員工!
病左差不多成個月,成個人也燥了,還要受醫生的氣?!

但如今,我卻為了一張病假紙,而要把說話都吞進肚裡,默默忍受他的冷言冷語!但最後,他亦只肯寫半天病假給我!

實在不明白為什麼一個醫師要這麼嚴厲!若果我是常客,每次也嚷著要病假紙,醫師今次終於看不過眼有以上的評論,我還可以理解!但我只是第一次要病假紙,卻作出「裁員」這個結論,醫師是否需要檢討一下自己的口德呢?

希望我以後也健健康康,不用再光顧諸事八卦兼唔人道的中醫師!

星期六, 12月 08, 2007

(383) 我仍然只想身體健康...

去了看12歲便開始光顧的醫師,
飲了3劑又苦又濃又刺鼻的中藥,
情況仍然沒有改善,
反而胃部好像受不了那些苦茶,
今天吃飯沒什麼胃口......
為了避免再吃大堆頭的西藥,
明天唯有再看另一名大排長龍的中醫師,
希望能把我從感冒的戰役中拯救出來!

星期二, 12月 04, 2007

(382) 香脆曲奇 (附食譜)

在網上找到一個牛油曲奇食譜,姑且一試,結果都頗成功。

材料:
麵粉 – 100克
牛油 – 70克
糖 – 4湯匙(但我覺得有點甜,下次可以減為3湯匙)
泡打粉 – 1/2茶匙
蛋黃 – 1隻

做法:
1) 焗爐預熱
2) 將牛油和糖用打蛋器打至淡黃色
3) 加入麵粉和泡打粉,拌勻
4) 加入蛋黃
5) 放入下層冰箱雪1小時
6) 焗10分鐘左右即成

(參考網址:http://hk.myblog.yahoo.com/panny-panny/article?mid=52

(左:佢地唔係朱古力曲奇呀!只係我一不留神無望住個焗爐2分鐘左右,結果就燶左啦!)
(右:第2盆望實個焗爐,結果就焗到正常顏色的牛油曲奇啦!)

星期日, 12月 02, 2007

(381) 不想再試的蛋糕

雖然還有咳和痰,但精神多了,所以昨天便走進久違了的廚房,焗製早前媽媽在吉之島買的一盒蛋糕粉 .講明是蛋糕粉,即是早已把所有主要配料拌好,只需加水,菜油和蛋白,用攪拌機打兩分半鐘,便可放入焗爐.三十分鐘後,一個香軟蛋糕便誕生!但媽和我也嫌蛋糕的雲呢那味太濃烈,下次還是自己落手落腳,量好每份材料來焗製比較好!雖較費時,但起碼知道自己的蛋糕有什麼材料,總好過看到那INGREDIENTS裡有什麼"FIRMING AGENT(E520),EMULSIFIER(E471, E472e)",一大堆不知名的數字,感覺很可怕,不知道吃了什麼進肚子似的!但對於忙碌的都市人而又想自家泡製愛心蛋糕的話,這種POWDER MIX還是不錯的選擇!

(左:一盒可以做2個一磅蛋糕)
(右:最討厭就是做事後的清潔工作 >_< )


(左:30分鐘,出爐了!)
(右:媽媽一個人吃了一半!)

星期六, 11月 24, 2007

(380) 我只想, 身體健康...

病了差不多兩個星期,醫生也看了兩個,但仍然未痊癒!
昨天由朋友家回家途中,一來本身已經頭痛,二來巴士很顛簸,三來很塞車,四來很焗束->結果想吐又吐不出來…… 捱了差不多一小時才抵家,用媽媽之手擦了點藥油和吃了點白粥,才稍為精神了一點。
十二個小時後,感覺好了很多,便出發到金鐘參加模擬考試。做了兩個小時後,開始覺得不妥,頸側疼痛,又想嘔吐,結果把最後的10題胡亂塗了便離去。走到稍為空曠的商場後,感覺又舒服多了!似乎對於感冒未清的我,地方焗束和空氣不流通是主要的死穴!
本來這個星期六日為自己安排了很多活動,但通通都要取消了。沒有健康,什麼也做不成。還是乖乖的在家休養,調理好身子,才可把工作做好,然後食盡人間美食,遊盡花花世界。
今天收到2隻攀山涉水而到來的水果芝芝,補充一下維他命C應該可以加速痊癒吧?(但又可能會惹痰喎 :P)

(左: 用保鮮袋包裝著, 新鮮空運抵港的士多卑梨芝芝和蜜瓜芝芝)
(右: 橙芝, 菠蘿芝, 蜜瓜芝和士多卑梨芝, 充滿新鮮維他命C!)


(左: 佢地頂帽先係精粹所在!!)
(右: 元老級人馬 - 綠戰士和紅戰士BB也說要來湊熱鬧!)

星期五, 11月 09, 2007

(379) 農夫Fama 風生水起 featuring 麥玲玲

同事極力推介這首歌,聽落又真係幾得意! 最好笑係風水大師麥玲玲rap起上來都幾專業!



作曲:DJ Galaxy
填詞:C君/6 Wing
編曲:DJ Galaxy
監製:DJ Tommy
Featuring:麥玲玲

玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請

一命二運三風水 人有三衰六旺
我仲要衰到幾歲
究竟點解 佢出世嗰時含住條金鎖匙
又點解 我成間屋仲細過佢個坐厠
又點解 我次次買六合彩時中得一個字
係咪我出事 出世喺亥時
點解 佢係我波士揸波子
我好多Coins佢好多女士
同人唔同命同遮唔同柄
十九八七六五四三二一

一命二運三風水 四捨五入犯太歲
六六無窮都仲咁衰
七除八扣又九十歲
十個光頭都唔同命水
人出唱片我出唱片
出到喺頒獎典禮裡面
鏡頭唔影呢面 觀眾睇我唔見
我哋坐喺側田嘅側面
側面側面側過側田
點樣先做到歌星 急急如律令
俾啲掌聲有請

玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 四積陰德五六歲
七八年後我生個女 九十幾歲都仲未去
個個都唔同命水
人踢波時我又踢波
但係點解人哋踢皇馬 我就踢南華
球迷唔多想睇 我又唔多矜貴
場場都以和為貴打和打和和過和仔
點樣先做到球星 急急如律令
俾啲掌聲有請

獨白(麥玲玲):
我話屬豬嘅朋友 屬鼠嘅朋友
屬牛嘅朋友 屬老虎嘅朋友
屬蛇嘅朋友 屬馬嘅朋友
夠唔夠十二生肖呀
(點呀 嘅朋友點呀) 嘅朋友

睇掌睇掌睇相 急急如律令
攞獎攞獎演唱 我哋有請玲玲

Rap(麥玲玲):
我一出世就識睇梅花易數
用咗廿年羅庚東南西北梗係分到
我掌又睇到 相又睇到
要Rap都完全冇難度
鼻頭好有肉 內心就冇毒
眼睛水汪汪 桃花運暢旺
眉尾散 儲錢難
上唇厚重情 下唇厚比較重性

玲玲玲玲 我有嘢問
問吓我嘅桃花運

Rap(麥玲玲):
C君好男人 過幾年就結婚

呀玲玲玲玲 我有嘢問
問吓我老婆係乜嘢人

Rap(麥玲玲):
陸永大情人 個老婆好銷魂

呀師父答唔答得到
我第時做乜嘢好

Rap(麥玲玲):
C君文筆好 最啱做寫稿佬

呀師父賞個面
答我做咩至有錢

Rap(麥玲玲):
陸永要表演 最適合做幕前

玲玲玲玲咪走住
農夫有咩要注意呀

Rap(麥玲玲):
C君多主意 陸永要做主持
羅庚最緊要睇得啱
人哋點樣講你都好閒

玲玲出嚟又睇掌喇
農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請

星期五, 11月 02, 2007

(378) 近況

被朋友投訴很久沒有來這裡UPDATE。就簡單的報告一下近況吧:

朋友篇
很多謝朋友們在我累極之時肯和我聊聊天,才不致在工作間睡著……
透過FACEBOOK,相認了不少失散多時的朋友,雖未至於會立刻相約聚舊,但見到那些舊面孔,心裡浮起不少昔日年少的回憶。但當見到朋友甲說要到台灣拍攝婚紗照,朋友乙已經手抱著「蘇蝦」時,便驚覺自己真的長大了(年齡上)!

學業篇
正在準備11月11日的考試,但信心不大……因為太久沒有和英文做朋友了,生疏得很!

事業篇
工作還是老樣子,沉悶,但穩定。而由於10月是一期的開始,所以特別忙碌,工作排山倒海而來,單單是報價單,已經夠煩了,價錢改了又改,可以是早上一個價,晚上一個價。這是誰之錯?日本,應該難辭其咎吧!幸好還有一班好同事互相扶持,令暗淡的工作間現露一絲光芒。

愛情篇
雖然相隔很遠,但仍能感受到那份安全感。現在只期望12月快些來臨,並找到一張「好」機票,不用他受27小時的轉機再轉機之苦。

生活雖平淡,但我就是喜歡!
雖被姐姐笑我沒有大志,但享受平淡的日子,只喜歡和家人朋友舒舒服服地相處,這就是我的願望。

星期日, 10月 21, 2007

(377) 還是簡簡單單的好

前晚聽了兩個好友的愛情故事,最後我們的結論是:

以我們心無城府的性格,不適合和思想太複雜,或太有機心的人談戀愛!愛情關係,還是簡簡單單的好!

(376) Stage 18:石原江里子JAZZ CONCERT


2007.10.19 (星期五)
第一次看JAZZ CONCERT,表場樂隊演奏不俗,但石原好像唱得不夠放。可能是由於在一個很FORMAL的表演場地表演而有點格格不入,導致影響了表現吧!很重視節拍的JAZZ令鼓手有很大的發揮,有幾PART更加是SOLO。但一SOLO,他就好似有點亂,有時更加愈打愈快似的。感覺很輕鬆的JAZZ還是應該在海邊,又或者是酒吧裡,寫意地摸摸杯底,令台上台下更加投入爵士樂的世界。

(375) Stage 17:小人國 (Little Hong Kong)

2007.10.16 (星期二)

梁祖堯加邵美君,可謂是信心的保證。
《小人國》,以11個劇目來講述出現在周遭的奇人奇事。
有口口聲聲說人人平等,但其實戴了有色眼鏡的香港人;
有以為說英文便高人一等的「鬼妹仔」;
有咬字不清的侍應;
有貪小便宜的健身室會員;
有兒戲的現代愛情故事;
有富豪太太表面風光,以錢來換取尊嚴的苦情私生活;
有地鐵恆生等人事件;
有不懂溫柔的港男和高鬥港女「對打」的實況;
有滿口粗言穢語的港人;
最後來一個今昔對比,
發現從前有禮互助的香港人,
不知是生活逼人,還是「潮流」所致,
變得冷寞,自私,道德觀亦有了負面的轉變。

編劇、導演兼監製黃智龍說:「我還是比較眷戀以往大香港精神的年代,貪慕虛榮但懂得品味,好高鶩遠但會努力奮鬥,超級極端的好與壞集於一身,正是80年代香港人辦的象徵。」

當然,現在的香港人也不是一面倒的變了質,只是有時「形勢所逼」,身不由己而己。努力發掘,互相欣賞,香港和香港人,還是有可愛的一面!

星期五, 10月 19, 2007

(374) 數碼港艾美酒店: Prompt

點解去食?
趁HSBC信用卡有半價優惠,便即管去試一試

洗唔洗訂位?
試過打電話去訂,佢地話FULL晒,但WALK-IN就可以入到WAITING LIST. 其實所謂WAITING LIST,根本就係故弄玄虛,都仲有吉枱係度!

食後感想?
1)環境好清優,好舒服
2)食物質素一般,種類不多
3)熱盤:例如焗龍蝦仔,個醬汁好好味,但焗得太耐,好韌
4)冷盤:例如長腳蟹,好似好淡甘,無鮮甜的味道
5)壽司:塊紫菜好腍
6)水要自己買,10蚊一支飛雪礦泉水
(起初以為係咪因為半價先係甘既質素,但朋友話正常價的LUNCH BUFFET都其實只係一般架咋!甘有無人食過正常價的DINNER BUFFET呢?會唔會好味好多呢?)

總括,去得數碼港,都係食佢個景,唔好EXPECT太多!

價目表:
星期一至四 - HK$398加一
星期五至六 - HK$588加一
星期日 - HK$488加一

星期日, 10月 14, 2007

(373) SEE U SOON!

經過密集式兩週的吃喝玩樂後,
休息兩個半月,
然後繼續創造更多美好的回憶!

星期二, 10月 09, 2007

(372) 颶風中的台北遊(下)

旅行感想:
1)天成大飯店勁方便
2)台灣的電視節目好好睇
3)台灣的颱風...... 真係好勁! >_<
4)第一次搭港龍,食物令人失望
5)國泰飛機餐好味

(左: 芝芝也來搭公車)

(右: 旅遊書話好出名的"蜂大咖啡室", 咖啡味道好濃, 但芝士蛋糕好一般)


(左: 係雙林站度聞到勁香咖啡味, 原來係佢作怪! "貝克男孩", 由於新鮮出爐的關係, 外脆內軟, 好好味!)
(右: 鼎泰豐小籠包, 平平無奇, 翡翠小籠包好似仲好食D甘!)


(左: 良品牛腩麵, 唔錯!)
(右: 蚵仔煎... 我比較喜歡港式比較香口的蠔仔餅)


(左: 西門町鴨肉扁, 好硬... 但勁多人食!)
(右: 胡椒餅, 熱騰騰, 好正!!)


(左: 成塊面甘大的豪大大雞扒, 勁炸都仍然好有肉汁, 推介推介!)
(右: 阿宗麵線, 全店只有一款麵, 食落好似碗仔翅甘, 值得一試)

(左: 地標101)
(右: 好多好多年無坐過的幸福摩天輪)
(左: CATHAY的魯肉飯, 出奇地好味!)
(右: "多謝選乘國泰"? 哈哈, 係國泰選我地至真喎! 由港龍轉搭國泰, 仲可以早一個鐘頭返到香港, 有賺有賺!!)