(488) 酒席篇

自從決定結婚那天起, 我們便開始打電話和打電郵給各大酒樓酒店, 詢問年底還有沒有擺酒的檔期. 揀了一堆好日子, 主要集中在09年10月份, 但回覆說有檔期的只有幾間... 我們問了:

CONRAD HOTEL -> 好靚, 但貴!
EATON HOTEL -> 不喜歡鑽石廳的間隔
四季酒店 -> 好貴!! 只是貪得意問下!
都會海逸酒店 -> 那白色帳逢蠻吸引!
黃埔海逸酒店 -> 21呎樓底加長樓梯, 勁吸引!!
金域假日酒店 -> BALLROOM新裝修, 好靚! 但新娘房要同人分???
海景嘉福酒店 -> 唔錯, 但不便宜啊...
洲際酒店 -> 哈哈, 都係貪得意問下! 但由於圍數少, 所以只得一個矮樓底的FUNCTION ROOM! 可能因為甘, 所以好多好日子都仲未有人BOOK!
JW Marriot萬豪酒店 -> 當然好貴啦!
九龍香格里拉 -> 睇相好普通... 樓底有少少矮! 同埋, 最平那個菜單只有6道菜!! 一般也有8 道菜的, 根本就是存心要大家幫襯貴COURSE, 太過份了!!
朗豪酒店 -> 一般... 同埋其實都無位...
Marco Polo香港酒店-> 睇相都係普通...
日航酒店 -> 幾好架~ 個BALLROOM係扇型的! 可惜地點不便... 而且只有平日才有位...
柏寧酒店 -> 27樓海景房, 但姐姐一聽見便否決了...
帝苑酒店 -> 俾人話佢舊...
Renaissance Harbour View -> 都OK架, 但要過海...
Regal Hongkong Hotel -> 姐姐推介, 但睇佢既FLOOR PLAN, BALLROOM中間有2部電梯... 好奇怪甘...
帝京酒店 -> 個樣幾靚, 但無位...
喜來登酒店 -> BALLROOM有16呎樓底! 但只得平日有位...
L'hotel 如心海景酒店 -> 沒有興趣... 雖然有41樓的靚景...
銅鑼灣彩福皇宴 -> 睇相好靚, 樓底超高, 有2X呎, 再加長樓梯! 但好FULL...
帝廷酒家 -> 哈哈, 只有重陽節那天有空位! 勁FULL!
香港賽馬會 -> 好普通, 唔吸引!
翠亨邨 (朋友幫手問的) -> 無位... 12月才有星期五的檔期!

由於我們不想大家平日放工後去飲, 所以經過一輪篩選後, 發現只有一個選擇, 就是位於河內道尚未開幕的HYATT REGENCY HOTEL. 但由於7月才開, 完全未睇過實景, 又不知道食物及服務質素如何, 更加有可能會遲開張... 所以最終還是放棄了! 但要特別多謝朋友幫手到Pre-Opening Office睇"模擬相", 哈哈!

昨天收到好消息, 因為其中一間心儀的酒店10月尾有期, 但一切還要再傾和睇場才可決定, 希望快點可以落實啦~ 所以到現時還未知道會於何時何地擺酒啊... 原來結婚有甘多野要做...