阿tHin的台所: 9月 2009

星期六, 9月 26, 2009

(600) 佈滿Hidden AW的睡房

2009.08.21

自己油油, 最高興就是可以在正式油油前在牆上塗鴉~ 我們塗的不是什麼特別圖案, 而是代表我倆的英文字: A & W~ 塗鴉固然高興, 但可惜我的"A"字用得太多油, 所以到最後油油時居然遮蓋不了"A"的頂頭部份(即是那三角形)... 大家有機會到我們新居參觀時, 可以看看我們獨特的Hidden "A" & "W". :D

(房間在設計師朋友的建議下, 採用了深紫和淺紫, 突顯房間的立體感)

星期五, 9月 25, 2009

星期四, 9月 24, 2009

(597) Wedding Favors

近日忙於找尋結婚回禮.

本來在加拿大時已經和老公一致決定了用XX作為回禮... 但近日我又有新的構思... (老公好似有D無奈甘... :P)
最近常常在網上搜尋, 發現很多對於我來說是"新奇"的回禮禮物, 現在和大家分享一下:

玻璃碟... 係好靚, 但好似無乜為甘...?
(http://www.rainbowmosaic.com.hk/)

用自己個頭做郵票, 好似有少少驚... 怕羞...
(http://www.weddingbloom.com/stamp.php)

agnes b. DELICE 婚宴回禮小禮盒內含兩粒朱古力，好富貴啊~ 我都想收到呀~ :D
(http://wedding.esdlife.com/articles/wedding-preparation-others/agnesb-delices/)

天然可可脂潤唇膏. 之前朋友講笑甘叫我不如送潤唇膏, 估唔到原來真係有架~ 不過硬係覺得怪怪地甘?
(http://hk.88db.com/hk/My88DB/memberinfo.aspx?MemberID=114052)

都幾CUTE喎~
(http://www.mygift.com.hk/)

送得俾大家, 都想各位用得著, 或者可以食得落肚... 但又唔想超支... 都真係幾難揀... 會唔會最終都係用番最初的決定呢? 嘻嘻...

今天終於去了princess揀晚裝和褂.

褂比較容易, 因為來來去去都是小五福, 五福八喜, 和其他較傳統的褂. 聽見她說褂全是由冠南華買回來的, 當堂覺得物有所值, 結果我揀了小五福, 貪其金銀線分佈適中. 釘了閃石"囍"字的五福八喜則太"新潮"了!

至於晚裝, 除了CONFIRM了之前已經HOLD的那一件外, 另外還多租了一件... 雖然今天試了7, 8件晚裝, 但沒有一件是覺得好靚好靚的. 但那件一穿上身已經覺得好岩, 可以說是一見鍾情, 所以最後又忍不住加錢UPGRADE了原本的套餐, 計落其實也蠻貴... 希望老公見到帳單後不會投訴啦... >_<

星期一, 9月 21, 2009

(595) 婚紗BB芝

星期六去金都時, 途經專做車頭公仔的舖頭, 見到新款BB結婚芝... 仲要話自己做緊特價... 結果, 忍唔住又買了一對結婚大BB芝... 但真係好靚架!!!! :D

星期日, 9月 20, 2009

(594) 羅浮宮影相券

海逸送羅浮宮(http://www.hkcdl.com/album1.php)婚紗相券, 7月當我還在加拿大時, 姐姐便專程到九龍塘總店為我預約, 但我當時堅持不加錢, 隨便拍幾張便算了. 回港後, 看到朋友靜宜的相片, 和徐淑敏為羅浮宮拍的特輯, 覺得質素OK... 再加上我和老公其實沒有一輯真正在婚紗舖影的結婚照, 所以昨天便和CELL去了總店加碼UPGRADE 套餐. 原本心思思想加碼至$8288的套餐, 但想到它24"X30"的油畫便不禁卻步, 因為攜帶回加國亦是一個大問題... 結果只加碼至$6,888的套餐, 即是加了$2,800, 得到幾幅細相, 一幅20"X24"的油畫, 相簿, 20款電腦檔案, 還送多一件白/米色男禮或者一件晚裝. 老公一直也想試穿白/米色禮服, 原本好像要加大約$500才可以轉, 現在送給我們, 我唯有少揀一件晚裝, 讓老公嘗嘗白/米色男禮的心願! 嘻嘻~ (講到好似好大犠牲甘添... )
我們將於10月26日揀衫, 27日拍影, 11月1日揀相... 但要到明年2月才可以取相了...

(593) 酒店佈置-Grand Forest

喜歡海逸的其中一個原因是因為它的長樓梯, 但原來要佈置一條長樓梯所費不菲... 思前想後, 唯有把原本南瓜車的構思變為平凡簡單的設計. 最終捨棄寸寸地的 k and s (http://www.ksfloral.com/) 而取態度友善且肯遷就我BUDGET的Grand Forest (http://www.grandforest.hk/). 其實最大問題是ALLIED (http://alliedworkshop.com/) 提供了基本佈置, 但k and s表明"成個場俾佢做就OK, 淨係做條樓梯就唔接", 所以"南瓜車之夢"唯有放棄! (聽聞南瓜車佈置是k and s獨家的). 還好老公喜歡簡約的佈置, 而我亦不想花費太多在場地佈置上, 所以Grand Forest相宜的價錢加上殷勤的服務其實已經好OK. 由於我和CELL也不懂得講價, 所以最終他們只送了8個絲花波波球, 冰雕枱佈置, 相架佈置和座枱水晶燈一盞. 不知道算不算多, 但我相信已經夠用.

跟著順便在Grand Forest 訂了絲花花球套餐, 由原來包的16個絲花手/襟花, 增加至22個, 即是多送了6個給我, 嘻嘻~~ 但隨後才發現我計少了2個襟花... 之後再加要$18一個, 沒法子了, 唯有之後CONFIRM花時才再訂了. 其實昨天下午和CELL也看了好幾間花店, TRINICE (http://triniceflowers.com/) 也相當不錯, 不過既然在Grand Forest 佈置, 而他們的花球質素亦不俗, 所以便決定要"一條龍"服務, 將來有什麼要求也好溝通一點ma~

(592) 買婚紗記

很多人也知道我和老公喜歡拍照(我當然是被拍那個), 所以一直也希望可以買一件婚紗, "隨時隨地"也可以拍緍紗照, 首選當然是拍雪景啦~ 原本已在朋友在網上訂購的婚網中睇中了一件, 但那公司遲遲不回我的電郵, 所以已想著要放棄了. 但回港不久, 我發現原來香港也有不少聲稱以開倉價發售的店鋪, 於是上周四和日立人吃過午飯後便和空姐4到堪富利士道一間樓上舖視察一下環境. 這家舖頭地方不算大, 但老闆娘很友善, 又可以免費試穿2件. 我和空姐千挑萬選後便揀了兩條"泡泡"婚紗, 貪其影相效果夠出, 結果我揀了一條沒有拖尾且較為輕身的款式, 是一條"令人開心"的婚紗且方便走動. 10月30日早上的街景照有著落了!! (^_^)

星期一, 9月 14, 2009

(591) 千里尋婚紗記

星期五落機, 星期六在準新娘靚猫和伴娘仔的陪同下去了尖沙咀視察婚紗行情. 走了好幾間鋪頭, 大致上已清楚自己想要的款式, 於是便預約了２間免費試衫的鋪頭, 一間是紫水晶, 一間是Princess.
去了頭一間, 覺得款式不俗, 有很多選擇, 而且對其中一件婚紗更愛不惜手. 紫水晶的最大缺點是衣服較為殘舊, 但價錢相宜, 服務態度良好.

至於另一間是過幾個鋪位的Princess. 售貨員阿靜了解了我的喜好後便推介了幾件婚紗. 其中一件是深得愛麗斯姐姐歡心的復古婚紗, 手工和款式的確是不俗, 但可惜不是我心目中的類型. 至於另一件就是令我決定取Princess捨紫水晶的關鍵, 款式如何, 先賣個關子. 其實可以遇到這件婚紗也算是有緣, 因為阿靜說它是新來貨, 穿過的就只有模特兒, 還未曾出租過. 就這樣, 心大心細的我在姐姐的推動下便落單決定了租婚紗的舖頭. 下週24日便會再去PRINCESS揀選其他衣服, 包括晚裝和裙褂.

紫水晶: www.a-wedding.net (免費試2件)
Princess: www.princesswedding.com.hk (免費試3件, 但只限星期一至五)

順帶一提, ANOVIA (www.anoviabride.com) 的婚紗和晚裝真的很美, 但因為太貴了, 而且要$500試衫費, 所以唯有忍痛把它拋諸腦後...