心儀的酒店在心儀的日子有空位, 我們當然趕快作口頭預訂, 而上星期六亦已收到合約了. 由於牽涉的人太多, 本來說甲某可以代我們在香港傾細節, 乙某又可代睇場地, 但最終又好像不了了之... 為免延誤, 加拿餅和我覺得還是親力親為較可靠, 所以剛剛便打電話給負責人:
......前略......
我: 我想問可唔可以降低最低消費額呢?
A: 已經降左20K架啦...
我: 我都有留意到, 但因為我地可能無XX圍, 所以... 如果可以降到去甘多甘多就好啦...
A: 嗯... 呢個我要傾下... 遲下先可以覆返你.
我: 我仲想問你張合約話個時間至到11:30, 如果我地遲左開席, 可能搞到12點先交到場, 可唔可以呢?
A: 呢個無問題, 我地改番張合約俾你啦.
我: 仲有, 張合約話要擺夠XX圍先會全場免開瓶費, 但如果我地得番XX圍, 可唔可以都免埋俾我地呢?
A: 哦, OK, 無論你地幾多圍都可以免開瓶費架啦!
我: 洗唔洗用某個菜單先有呢個優惠?
A: 放心, 唔需要架.
我: 我仲想問呢, 如果我地唔要個D"結婚一週年餐券", "美容按摩券", 可唔可以換其他野呢?
A: 其實個D券係市場部既gimmick(花巧)野, 所以唔係好值錢, 換唔到D咩架... 至於"結婚一週年餐券", 可以換D餐前小食俾你地?
我: 餐前小食呀...? 可唔可以換佈置呀?
A: "結婚一週年餐券"其實值HK$800左右... 但佈置要成幾千蚊... 所以比較困難... 你地用唔用勞斯萊斯呀? 如果唔要, 可以俾埋個佈置俾你地.
我: 會點佈置呢?
A: 接待處會有絲花佈置, 台上backdrop會有少少佈置, 同埋蛋糕枱會有少少花... 不過都係一D好基本好簡單的佈置... 好多客都會自己再找人佈置的. 我晏少少SEND相俾你望下啦.
........ 下略.........
就係甘啦... 其實花車可有可無, 因為我們根本不需要"接新娘"... 但大家覺得花車換"BASIC佈置"抵唔抵呢? 之前聽朋友說會場佈置好貴, 即使簡簡單單的也要$3000... 當然, 也要看過相之後才可作決定! 還有, 希望最低消費額可以減低低低啦~~
5 則留言:
看過佢d相先決定啦
我無咩要求,有個位有我地個名係後面用來影相就ok
所以我地從來無諗過找公司佈置
你講得無錯,閒閒地都要3k,我上forum看,有人話用10k佈置都覺得好值
好睇你個focus放係邊度
出面要租架rolls royce 3個鐘確係唔平
如果你決定唔要車/自己有車,咁就算唔用酒店佈置,都可以試下局佢換其他野比你
你唔接新娘...無咪得玩新郎!!!
好緊要喎!!!哈哈
un
其實我覺得要看佢本來包比你的佈置如何,再決定.
車方面我也覺得唔包,但換到好的佈置,我都覺得沒問題.
若果可以的話,可否同場加插玩咪新娘呀?
cell
我覺得唔駛用車, 佈置又OK的話, 咪換囉, 我上年咁普通都三千幾呀!你若果有樓梯, 要加800-1000添。
吖, 我知道若果啲車係outsource的話, 會比較難用呢樣嘢同佢Bargain, 要有心理準備囉! 不過, 距離你Big Day 不足一年, 應
該較容易傾Min. Charge.
我等陣E我份Contract俾你參考吓。
你最好Bargain埋at least 8:30pm後包酒水, 因為無嘅話好貴!仲有, 餐前小食都幾好吖, 因為hotel都收得幾貴呢!
最後, 若需要睇場/婚紗展攞資料就出聲了!
Su
佢仲未SEND相俾我睇呀...仲等緊...
WEDDING EXPO有咩睇呢?好遺憾唔可以結婚前去下香港既婚紗展,應該俾加拿大的好睇好多倍!!!
對我來說
婚紗展=花多眼亂
唯一一樣我係展book既只係去台灣的婚紗照...
un
發佈留言