又殘舊又無服務的地鐵TTC加價, 星斗市民只可默默接受.
明年1月3日開始, 票價便由現在的現金價2.75加幣升至3加幣, 若購買代幣(TOKEN)的話, 票價則由2.25加幣升至2.5加幣一個. 以7來換算的話, 即是說每一程要HK$17.5, 比現在貴了差不多HK$2. 多倫多的鐵路非常簡陃, 曾被列為"不必要"的交通工具. 但到市中心(DOWNTOWN)工作的人, 多以地鐵代步, 因為市中心的泊車費昂貴, 和UPTOWN(非市中心)的免費泊車差天共地.
為了慳錢, 打從一回到多倫多後, 便每天早上和放工, 有時連中午飯也會到地鐵站購買代幣(每人只限購買5個), 以便明年1月開始可以平買貴用. 正當沾沾自喜每天和老公一起數代幣之際, 儲TOKEN行動卻受到地鐵公司的打壓, 說乘客大量購買代幣會造成地鐵公司很大的損失云云, 更因此而推出"成人暫用乘車券", 有效期只到今年年底, 至於代幣, 則由即時起停止發售!! 實在令人氣頂!
服務差, 態度差, 票價卻不斷上漲, 令我懷念香港快捷的地鐵服務!
4 則留言:
下...好奸呀!
不過我又唔覺得香港的mtr好囉.
cell
我坐過日本的鐵路後,連香港的都被比下去了.
Chris
同歐美的地鐵比較,香港地鐵好比一個強壯的後生仔......倫敦地鐵現金價盛惠4鎊一程(用倫敦八達通會平好多),問你如果係基層點頂!!
4磅!!!??? 即係成HK$50幾蚊一程?
無錯,香港的地鐵的確係強壯的後生仔,多倫多和英國的...應係係阿伯...仲要係臭既阿伯... >__<
日本的鐵路?睇下你坐咩啦,如果只係一般JR,其實都有D舊了!
發佈留言