(1) 不久前公司宣佈除非和公事有關和事先申請，否則將不能接收和郵寄所有包含免費電郵地址的郵件（例如：@hotmail.com, @yahoo.com）。
疑惑：現在工作講求效率，很多人也會以手帳或私人電腦甚至是電話的內置電郵來回覆公事，但公司卻認為凡非公司電郵，一律被視為私事處理。在文明繁華的社會裡，驚見一間保守和後退中的公司，而自己居然是其中一份子！
(2) 昨天公司宣佈不可以私人理由上網。更甚的事，日本情管給了老闆一份各個員工的上網紀錄，揚言被發現上網要寫悔過書和會受到懲罰。
疑惑：工作枯燥，有時上網瀏覽一下，只要不影響工作效率，也無傷大雅吧！而且不能上網的日子，猶如與世隔絕一樣！令全公司士氣大跌！
總公司的日本人，總喜歡化簡為繁（煩），沒事找事做。連肥仔上司也曾經說過這是一間很典型和傳統的日本公司。但太保守，太日本化，和太不懂得把資源投放在適當的事情上，卻花人力物力去偵測員工的一舉一動，眼光未免太狹窄了吧！
13 則留言:
首先,係我好鍾意你個題目~
跟住,係極度贊同你嘅見解~
最後,就係同你一樣....
無能為力~
你公司...一個字--「正」呀！
d 日本人真係好鬼無聊。
不過算啦，你地唔畀你上網o者。
我老細叫我唔好結婚住，怕我結婚會辭職。
我同事o既回應係：
真係naive，就算唔結婚都唔代表會唔辭職架wor
日本人幾時先會明白呢？
不如咁啦
你地每日都淨係上日立的網頁
睇下佢地check record時會有咩反應!!!!!!
wahahahahaha
.
明既就唔係日本人了
yeahyeah~~
wow.. very cruel!!
雀仔,以後唯有"守望相助",互相解下悶啦!
raku,公司唔係唔明,怪就怪你老細太愛你啦!唔捨得嫁你出去!!呵呵~
un,我而家淨係敢上公司個網download P/O同INVOICE咋...嗚嗚嗚...
sumsum,我相信呢D事一定唔會發生係外國!!
我公司相當自由,連食午飯時間都無固定,只要做好份內事,上網唔係問題。
英國好多大公司都會scan員工browse的網頁,不過只要唔係咸網或gambling,或上得好離譜,都未聽過出事。最近熱烘烘的話題是有d公司block員工上Facebook(呢邊好多戈沉迷facebook),and 有人在自己個blog度講老闆壞話而被炒云云....
我個人認為日立個case有不人道成份。
無錯,係唔人道架!!!!但係...作為一個小員工,又可以點做呢?! >_<
講開facebook,我都有玩~幾得意呀,可以meet番好多失散左既中學同學!
其實間間公司都有佢地的做法,
當然我並不是認同他們的做法.
但這次我真的有點怕了,還是收手吧.
我都有朋友在日本公司返工,起初還可以用MSN,我朋友就是因有MSN的幫助,做事快、妥、多!但後來她的公司實施了像你公司的'監察'制度,她不能再用MSN,工作效率立即下降,最後她也無心機做事,本'pai'.....好彩,她公司不會輕易炒人,所以亦無她乎,最終受害是那公司,為乜呢???......
真係好衰呀!!! 專橫專制!!!
公司係唔係run緊XP?
知唔知有冇Firewall??
其實好簡單: 用XP個Remote Desktop Connection.. remote logon過o黎美加o既電腦.. 想做乜都得啦 :)
反正你地返工時我地ZZzz..ZZzz緊
p.s.我就係長期o係幾DRYo既環境下返工.. 公司o既internet control咁secure都係多得我.. (break得多...哈哈^^"")
痴線架!! 日立d日本人真係short short地...講真,做好工作,上網又有"mug"所謂啦!我地又唔係唔做野,又唔係做錯野,無啦啦唔俾上網,好過份呀! 攪到依家返工無哂心機,對公司冇哂歸屬感.
好dryyyyyyyyyyyyyyy!!!
我諗普天之下冇公司及得日立咁無聊,咁死板,仲out...講比人聽都笑大人個口呀!!!(勁嬲!)
RAYMOND,多謝你既教路呀!不過,都係費事搞甘多野啦!D日本人痴痴地架,一D好少既事都會勞師動眾,懶緊張甘架!其實你好朋友都有提議過呢個方法,但我都係怕煩...
SHERMAN,實在好難想像往後既日子可以點過呀呀呀呀呀!!!!!!!
TINGTINGTING,你呢個例子好好呀!!可惜D白痴日本人係唔會明白架!講開又講,其實我舊公司D人都係同MSN同日本&大陸聯絡的...似乎只係我而家呢間公司既日本人係甘無聊,甘食古不化?!可悲!!
發佈留言