(435) ANA, 大失望!!

第一次乘坐ANA是3年前, 當時到日本總公司研修, 去程時有幸UPGRADE到商務客位, 服務當然一流! 回程時坐回經濟客位, 服務和食物都不俗!

今次, 試坐它的新航線, 由香港直飛羽田, 去程也大致"正常", 但回程就... 慘爆!!!

第1宗罪: 話說每人可帶32KG的行李寄倉, 我們一行5人, 一起CHECK-IN的話, 理應有160KG的QUOTA. END UP我們只有4件行李, 總重量頂多120KG, 還有40KG的餘額! 但CHECK-IN時, 核突空姐居然說:「其中一個行李箱重33.5KG, 重了1.5KG!」
我說:「但我們5個人有160KG的QUOTA, 你們計算重量不是計總重量的嗎?」
核突空姐說:「雖然係, 但我地怕搬運行李時過重, 會整爛你個行李箱. 除非你簽一份「免責書」啦!」
我說:「無問題, 我簽!」
核突空姐向上頭報告, 講左一大輪, 自打嘴巴甘話:「都係唔得, 唔該你地拆行李, 將個1.5KG放入其他行李度!」
我:「但我其他行李箱無位架啦喎, 如果唔係都唔使放入同一個行李箱度啦!」
核突空姐: 「甘我地俾個袋你裝住啦!」
我:「但如果袋入面D野爛左, 係咪你地負責先?」
核突空姐:「我地唔會負責架喎!」
講來講去都仍然堅持要我們拆行李, 無論再怎樣解釋佢地都唔聽, 結果唯有谷住一肚氣地去拆箱! 甘唔FLEXIBLE的航空公司, 態度又差, 空姐又無個靚, 實在不想再搭ANA!!! 和朋友講起, 他們也說一齊CHECK-IN, 應該是計總重量的!
拆行李後, 我問: 「你地有無「乘客意見書」?」
核突空姐: 「係機場入面可以攞到.」
我: 「你地D服務態度真係差得好緊要!」
核突空姐:「申し訳ございません。」
道歉也不帶一點感情, 只是敷衍地話了句「對不起」, 算什麼服務態度??
仲要我就佢地全程用日文講, SERVE國際航線, 連句簡單英語也不懂!!??

第2宗罪: 一進入機艙便覺得好熱, 坐極都唔涼, 結果... 有人焗到嘔!! 真係嘔出黎個隻!!

ANA, 除非好平, 又或者是免費機票, 否則實在不想再俾佢地賺我錢呀!! 提起都滾!!!!!