上星期某個早上，一返到公司，朋友傳來一個MSN，叫我去睇佢個BLOG。哈哈，原來佢係想同我講佢拍拖既消息呀！由初初佢地識，到後來既曖昧，朋友不時都會主動UPDATE我最新近況。曾經好擔心朋友，因為佢太獨立，太"硬淨"......但原來呢D野根本就唔需要擔心，亦都無得好擔心，因為緣份會係不知不覺間甘來到你身邊。好多時任你點追點搵都徒勞無功。只可以講，當察覺到緣份，就要好似朋友甘勇敢，為自己的幸福而爭取和奮鬥！祝你們甜蜜快樂！
給朋友的話：個日見到你好甜既樣，請原諒我忍唔住笑左出黎......因為，我實在係太開心啦！！！仲有，唔洗覺得同我行街時覆男朋友SMS係好無禮貌或者係唔尊重朋友！因為，我絕對接受到朋友重色輕友架！ :P 同埋，對你地呢段關係有多D信心吧！何必被一些歷史而影響到你？未開始就話會忐忑不安啫，開始左，証明佢有心同你一齊，咪慢慢甘去建立信心囉！加油！（雖然我知道講就易，做其實會好難，但無信心就一定死硬！！）
沒有留言:
發佈留言