8號風球去了做FACIAL。跟相熟的FACIAL姐姐閒聊起來，談到面相，原來她曾經跟師傅學習過，所以便隨口分析一下我的個性，也蠻準，然後說：「你個額生得幾靚，但眉毛就差D，有D亂。」
我：「額生得靚有咩好呢？」
她：「會甘甘甘甘」（下省100字）
我：「甘眉唔靚又會點呢？」
她：「你出年開始，打後6年會行眉運，眉亂可能會影響感情運……（下省100字）有無諗過出年結婚呀？（下省100字）不過我都係學過下啫，聽下就算啦，唔好甘認真去諗。」
聽到後心中有點不是味兒。
不過想真一點，其實所有風水睇相也是依書直說。一個人的命運不單單以眉毛來定斷。迷信一點的會想要配合八字和手相才能準確算出一個人的命運；而科學一點的會想除天時，還要地利加人和。命運若果是一半取決於天，另一半取決於人的話，只要努力點，總能克服天生的「差眉運」吧？！
8 則留言:
其實我覺得信則有，不信則無。。。
我。。。就是不信！（哈哈～～～）
畀你知道將來又點呢?就算條眉真係同你o既感情生活有關，又點呢? 最重要係點樣去面對o者，你話係o米?
唔好諗眉既事la,當花邊新聞聽下就算....計我話d鍾意命理術數既人,都係insecure,某方面欠缺信心....俾得$俾做面,最緊要係整靚d皮膚,佢手勢唔錯0架。
其實我都係屬唔信個種的人. 因為就算係真都好,有d事都係改變唔到呀啦. 所以不多好好珍惜現在擁有的.
放心啦,我講出黎同大家分享下啫~佢話我未來6年都行眉運,唔通我6年都唔結婚咩?:P
其實佢想你比埋錢修眉o者
對於命理
我係中立態度
我會睇但唔會跟晒去做
當係一個advice
自己的決定都好緊要
哈哈,修眉?佢包埋架!
命理,我一般都唔會主動去睇相架,費事聽完自己多心!
發佈留言