(212) 年初四：新春日立團拜

年初四，仍然放假。（這樣說好像有點囂張，嘻嘻）
中午，回舊公司和同事們吃午飯，一如往昔，一眾蝗蟲掃點心，不消一刻已經把枱上的吃清光。每次回舊公司，都有一種很窩心的感覺，猶如一個大家庭般親切和諧。
午後，閒逛一會，然後買了熱騰騰的蛋撻到舊公司，美其名是探班，實質是厚著臉皮向日本人「豆」利是。
老闆一邊吃蛋撻一邊問：「點解可以返黎既？」
我：「今日放假啊，下星期一先返工。」
老闆：「間公司甘好既？」
我（賣口乖）：「都係日立好。」
老闆：「甘不如返黎做啦，有空位呀！」
我，當然只可以報以微笑。正所謂，好馬不吃回頭草嘛！
老闆對另一日本人說：「佢好似阿女甘，返黎探我地。」
雖知公司其實並沒有打算增添人手，但聽到老闆的「邀請」，心裡仍是甜甜的。女生，還是喜歡聽「甜言蜜語」的！（雖然老闆的話不算很甜……）

（左：估唔到會有全體員工大合照！）
（右：口花花的老闆）

（左：好鍾意食既上司）
（右：和靚靚同事各手持一張手寫的"揮春"，希望會實現啦！哈哈！）